:o)

Helgin að baki,já virkilega góð helgi! Fórum út í gærkvöldi með Dóru,Ragga,Soffíu og Halla. Byrjuðum á að fara á Vegamót og fá okkur að borða alveg svaka góðan mat og skunduðum svo í rigningunni niður í Íslensku Óperu og sáum Pabban. Þvílíka snilldin,ég grenjaði svo hrikalega úr hlátri og verð að viðurkenna að ég sá sjálfan mig í nokkrum atriðunum Þessi maður (Bjarni Haukur)er bara svo fyndin að það hálfa væri nóg. Soffía og Halli komu svo með okkur heim og sátu aðeins með okkur en Dóra og Raggi komumst ekki því miður.

Í dag var svo rúntað á Selfoss að kíkja á voffana og veljaeða allavega reyna það. Einsog ég hef sagt þá erum við önnur í röðinni að velja en hitt fólkið var þarna líka og ekki held ég búin að ákveða sig. Þetta eru ekkert smá miklar rúsínur og svo pínulitlar og sætar að það var erfitt að fara. Náðum að velja og sú sem var fyrir valinu var sú sem Soffía vinkona benti strax á,en við fengum hana með okkur til að hjálpa okkur þar sem hún er svo sjóuð í þessum hundamálum. Enda kom það á daginn að hún vissi hvað maður átti að leitast eftir en hundurinn sem ég valdi fyrst var sá minnsti. Þannig að ef hin sem fá fyrst að velja, ákveða að velja "minn" þá fáum við þennan minnsta.

Enda þetta á einni mynd af snúllunum, er held ég búin að velja nafn á prinsessuna en það er Mandlajá ekki fá neitt kast,kannski að ég setji bara upp skoðanakönnun.

Góða helgi.......

Yndislegt veðrið úti núna,oh hvað ég væri til í að fara í langan göngutúr núna. En litla snúllan mín fer nú ekkert út núna,er reyndar enn sofandi og klukkan 9.42!! Ágætt að hvíla sig,en ég held hún sé nú ekkert með hita lengur.

Ég og strákarnir fórum í 1.árs afmæli hjá Smáraling í gær,og þetta var nú barasta einsog fermingarveisla verð ég að segja,þvílíkar veitingar ja hérna. Enda var borðað á sig gat auðvitað einsog vanalega,ekkert verið að reyna að passa upp á línurnar nei nei....geri það bara eftir Glasgow,tekur því ekki að byrja núna bara 6 dagar í Glasgow ohhhhh hvað ég er orðin spennt og ekkert smá sem við ætlum að hafa það gott.

En best að hafa það skjalfest hérna að ég er algjörlega örugg með það að hún Linda systir fari af stað og eigi prinsessuna 19 feb. Hún á að vera tekin með keisara 27 feb á afmælisdaginn hans afa,en ég er nú ansi hrædd um að prinsessan velji sér sinn dag og mæti þann 19. Nú skulum við bara bíða og sjáþ

Ætal að sýna ykkur hérna video sem mér finnst alveg frábært,aumingjans strákurinn á að syndja afmælissöng fyrir einhverja Rosie en jesús,er hægt að vera svona stressaður.

 Hafið það gott um helgina, ég er að fara að kíkja á voffa á sunnudaginn og velja mér liggaliggalá.

knús Dísa 

Til hamingju með daginn.....

Þetta video er fyrir afmælisbarn dagsins, hann Smára Björn sem er orðin 1 árs.

Hann er í alveg einstakur þessi dúlla, besta barn og þægilegasta sem ég hef á

ævinn kynnst alveg gull út í gegn. TIl hamingju með daginn elsku Smári minn.

 

Annars er allt ágætt að frétta af litla sjúklingnum mínum,við lágum saman fyrir hádegi undir sæng og svo er ég búin að vera að þrífa,ekki veitir af. Mátti ekki fara mikið frá snúllunni í gær,þar sem hún vildi bara kúra með mömmu sinni,og auðvitað gerði mamma það. Er semsagt að hressast núna og er ekki með mikinn hita og farin að borða aðeins.

Knús Dísa 

Veikindi again....

Jæja þá er hún Marín orðin veik aftur! Byrjaði þegar hún kom af leikskólanum í gær,var svo kalt og og sofnaði undir teppi á meðan við borðuðum plokkfiskinn okkar. Komin með 39,3 og frekar slöpp. Fékk að vaka með okkur langt frameftir ásamt því að dotta af og til en hún þverneitaði alltaf að vera sofnuð,hún var bara aðeins að hvíla sig. Svo er voða mikið sport að fá alltaf kók þegar hún er lasin,sama hversu oft ég segi við hana að maður eigi ekkert að drekka kók þegar maður sé lasin,bara ef maður er með gubbupest. En svo þegar hún er lasin ( þ.e. ekki með gubbupest) þá spyr hún alltaf um allt sem hún borðar "er gott að borða svona þegar maður er veikur?" svo vön að maður segi alltaf nei ekki borða t.d súrmjólk þegar gubbupest er í gangi

Svo þegar hún byrjaði að slappast í gær þá sagði oh ég er bara orðin veik aftur því ég hef ekkert borðað hákarl svo lengi

Vaknaði svo með henni um 4.30 í nótt þar sem henni leið illa og við vöktum í smá stund,nema svo þegar hún loks sofnaði þá gat ég engann veginn sofnað þá ég væri dauðþreytt. Lagðist fram í sófa og fór að glápa á sjónvarpið þar til klukkan hringdi 7.20 og ég enn vakandi,en alveg að sofna þá. Kom Magga í skólann og ætlaði að skríða aftur uppí þar sem Marín og VIktor voru bæði sofandi og Axel farin í vinnuna fyrir 7. Var rétt að dotta þegar Marín rumskaði og fór á klósettið. Náði svo loks að sofna í rúman hálftíma

Axel var að koma heim og sækja Viktor og skutla honum í leikskólann,svo nú verðum við mæðgurnar undir sæng að horfa á teiknimyndir í allan dag með smá dotti inn á milli.

Knús Dísa 

Tapað fundið...

Maggi sagðist áðan hafa fundið kort út á götu, spurði svo hvort hann fengi pening ef hann skilaði korti á lögreglustöðina? Vinur hans hafði nefnilega sagt honum það. Ég sagði honum að sýna mér kortið sem hann fann sem var debet kort og mynd af ungri stelpu aftan á sem er 19 ára. Við fórum í þjóðskrána og fundum út hvar hún á heima og flettum henni upp í símaskrá.  Maggi vildi ólmur fá að hringja sjálfur,og lennti á mömmunni.  Hann var alveg svakalega kurteis,bauð góða kvöldið og kynnti sig og spurði eftir XXXXXXX . Hún var greinilega ekki heima, svo hann fékk gemsa númerið hjá henni eftir að hann hafði sagt mömmunni að hann væri búin að finna debet kortið hennar.

Svo hringdi hann í stelpuna,

Kxxxxxx, já Magnús Ólíver heiti ég og er 9 ára og ég fann kortið þitt hjá sjoppunni, sagði henni svo hvar hann ætti heima,en hún er hérna rétt hjá og ætlar að koma eftir smá stund. Hann uppljómaði alveg þar sem hún þakkaði honum kærlega fyrir og var voða glöð.

Maggi bíður hér þvílíkt spenntur og sagði okkur,oh hún hlýtur að knúsa mig fyrir, hún er alveg svakalega sæt stelpa margspurði okkur hvort okkur þætti hún ekki sæt.

þannig að það er eins gott að skvísan mæti hér og þakki honum vel fyrir með knúsi vonandi....

 Jæja hún mætti rétt í þessu með 510 krónur í klinki handa honum og minn er alveg í skýjunum þó að ekkert knús hafi verið en hún brosti svo fallega til hans að brosið nær allan hringinn hjá mínum.

knús Dísa 

Helgin...

Var að hjálpa Magga aðeins með heimalærdóminn rétt í þessu og ég get ekki sagt að það sé það skemmtilegasta enda barnið með eindæmum pirrað þegar kemur að heimavinnunni. Honum finnst þetta bara óhóflega flókið margt af þessu. Ég lét hann nú líka aðeins heyra það að lífið sé nú ekki alltaf dans á rósum og allt svo einfalt og auðvelt. Svo átti hann að fara niður að lesa og ég skellti mér í tölvuna,þá spyr hann mig hvort að hann eigi ekki að taka úr uppþvottavélinni,semsagt allt gert til að þurfa ekki að fara niður og lesa strax.

Helgin var nú bara hin fínasta,var með tengdó í mat á laugardagskvöldið. Bauð þeim upp á eðal kjúklingasalatið sem sló að sjálfsögðu í gegn einsog alltaf. En um daginn var Axel í fríi og við fórum bara á smá flakk,bónus hundasýningu og Toys´rus m.a. Maggi gisti hjá æskuvini sínum alla helgina og kom ekki heim fyrr en um 8 á sunnudagskvöldið. 

Á sunnudaginn ætluðum við svo að bruna á Selfoss að skoða væntanlegan hundinn okkar en svo gekk það ekki svo ég og Marín fórum bara á hundasýninguna í Garðheimum aftur. Við erum semsagt loksins að fá voffa,erum búin að vera á biðlista í næstum ár eftir Bichon Frise hundi einsog þið sjáið hérna á myndinni. Þarna er semsagt einn af mínum tilvonandi en ég er önnur í röðinni að velja.

 

 

 

 

 

 

 

Á sunnudagksvöldið fórum við svo í sprengidinner til Lindu systir, jesús minn góður,fengum fylltar kjúklingabringur vafðar í beikon og allskyns meðlæti og svo í eftirrétt fengum við þessar svaka marengs bombu,ég get svarið að ég vaknaði södd daginn eftir líka!!

Fór svo í hádegun til Þóru Kollu, þar var líka Linda með afgang af maregnsbombunni,já það er sko ekkert verið að hálpa til við að halda aukakílóunum í skefjum. Þóra og familí semsagt loksins flutt í draumahúsið sem allt er að verða reddí, en það sem komið er (sem er ansi mikið) lítur svakalega vel út. Innilega til lukku elsku litla systir 

Saknaði bara Smáralingsins í dag...dálítið skemmtileg mynd af honum greyinu.

 

 

 

Klukkan fimm þurfti ég svo að fara á fund út í skóla hjá Magga svo Marín og Viktor fengu að vera hjá Lindu,og þegar ég kom að sækja þau var Linda auðvitað með reddí mat,kjúklingapottrétt alveg geggjað góður. Þvílíka heppnin í mér þessa dagana....

Knús Dísa 

Knús Dís 

 

  

Mygla...

Þriðji í veikindum og þetta er orðið gott, er orðin þokkalega mygluð núna. Bjargaði mér reyndar að hafa komist í gærkvöldi í bombuklúbb. Skemmtum okkur vel þar og auðvitað átum á okkur gat enda ekkert smá flottar veitingar hjá Önnu Gyðu.

Marín reyndar alveg ágæt í dag og er endalaust að segja við " en mamma ég hef borðað hákarl" Maggi sagði einhvern tímann við hana að ef maður borðar hákarl,þá verður maður ekki veikur.

Langar svo bara til að óska Lindu systir til LUKKU með að vera komin í fæðingarorlof,loksins. Átti reyndar von á henni í kaffi hér í hádeginu en hún lét nú ekkert sjá sig.

Knús Dísa.............á náttkjólnum! 

Nýjar myndir...

Setti inn nokkrar nýjar myndir í albúmið Fjölskyldan mín. Ásta þar eru myndir af mér brunette!!

Annars erum við bara heima hér í kósý heitum,Marín ennþá með hita og Viktor fékk að sleppa við leikskólann. Maggi var nú sendur labbandi í skólann,var ekki alveg á því að fara en það var svo sem allt í lagi með veðrið fyrir utan að snjórinn var svo laus í sér og fauk í allar áttir svo Magga fannst vera rosalegt óveður. En það mætti nú alveg fara að hætta að snjóa,þetta er alveg orðið fínt takk fyrir.

 Var að hugsa það í gær að ég þarf að fara að skrifa í bók alla gullmolana sem koma út úr henni Marín,þvílíkur snillingur þessi stelpa og gerir mann oft orðlausan. Ég er bara svo fljót að gleyma þessu svo nú verð ég að fara að skrá þetta niður. En í gær stóð hún hjá mér hérna uppi og Maggi og Viktor að rífast með þvílíkum látum niðri þá leit hún á mig þvílíkt alvarleg og með svona mæðulegri rödd "mamma þú hefðir bara átt að eiga eitt barn" og ég sagði nú átti ég bara að eiga Magga,því hann er elstur, "nei bara mig"

 Svo er hún með mat á heilanum litla snúllan,og varla komin heim alltaf úr leikskólanum þegar hún spyr mig hvað sé í kvöldmatinn,en hún sættir sig sko ekki við eitthvað snarl. Og í gær var hún góð með sig og sagði " mamma við verðum að hafa eittvhað hollt í matinn þvi ég er svo veik" einsog það sé alltaf einhver óhollusta í matinn hér. Held reyndar að hún hafi verið að meina að ég þyrfti að elda en ekki vera bara með brauð og skyr.

Svo er bombuklúbbur í kvöld,alltaf gaman að því,vona að ég komist nú út úr stæðinu hjá mér.

Hafið það nú gott í dag í snjónum,og endilega kvittið nú hjá mér svo ég sjái að einhver nenni að lesa þetta.

Knús Dísa 

Veikindi..

Er heima með hana Möddu mína sem vaknaði í nótt með 39,5° hita. Svo við ætlum að hafa það gott í dag og kúra saman yfir sjónvarpinu sem er bara notalegt. Get ekki annað sagt en að við fjölskyldan höfum sloppið vel frá öllum pestum fyrir utan að Viktor gubbaði einn dag.

Annars er bara ekkert sérstakt að frétta, nema það styttist í Glasgow ohh það verður meiriháttar,bara 15 dagar þangað til.

Maggi minn svaf hjá vini sínum í nótt og þeir ætluðu saman í Smáralindina með Robba frænda. Þeir vinirnir komu hérna í gær að sækja búninginn sem er úr Pirates of the C... Semsagt er hann sjóræninginn og er þá þessi búningur búin að endast í 2 ár sem er bara nokkuð gott. Keyptum hann í Disney búðinni í Bandaríkjunum,svaka flottur. Maggi ætlaði reyndar að ver uppbrókaður kall með gleraugu einsog hann orðaði það, og þegar ég spurði hann hvernig búningur eða buxur hann ætaði að vera í þá var lítið um svör.Svo ætlaði hann að taka með sér 3 stóra Bónus poka sem hann taldi sig þurfa undir allt sælgætið sem hann myndi fá,einmitt.

 Á leikskólanum búa þau til búningana sjálf,eina sem þau þurftu að koma með var hvítur stuttermabolur til að mála á. Mjög þægilegt fyrir okkur foreldrana.Viktor ætlaði að vera grýla sagði hann,en hann breytir líka um á hverjum degi þessi elska.

Litla prinsessan er að biðja mömmu að koma niður og hlýja sér svo ég ætla að skella mér niður og undir teppi með henn. Ahhhhhhhh bara kósý..

Knús Dísa 

Gleðilegan bolludag...

Köld en góð helgi að baki, bolluát,bíó,afmæli Fórum á laugardagskvöldið í afmælismatarboð hjá Halla hennar Soffíu sem var,já árinu eldri en í fyrra! Vorum þar ásamt Önnu Gyðu og Gulla. Fengum æðislegu kjúklinga mexico súpuna og geggjað kjúklinga salat enda er Soffía algjör eðal kjúklinga kokkur. Höfðum það svka gott og átum á okkur gat auðvitað og svo dýrindis eftir rétt. Sátum frameftir og spjölluðum um karla og konur og umræðurnar fóru reyndar stundum hættulega nálægt suðumarki. Sem betur fer að ég var á bílnum og ákvað að halda mig við það annars hefðu kallarnir mátt vara sig. Allavega elsku Soffía mín og Halli auðvitað líka ástarþakkir fyrir okkur "koss koss"

Á sunnudaginn kom stórfjölskylda næstum öll í bollukaffi. Pabbi reyndar heima sofandi þar sem hann er búinn að vinna einsog brjálæðingur að baka allar þessar bollur,Smáralingurinn var ofsa lasinn greyið svo eini úr Þóru familíu sem kom var Bjarki. Linda og familí,mamma og amma og afi.Fengum geggjaðar bollur í boði Jóa Fel og Mosfellsbakarí,mikið fjör og mikið gaman og neðri hæðin oft á tíðum gerð fokheld!!!

Í gærkvöldi fórum við Linda svo á Brúðgumann,já það voru undur og stórmerki að ná henni í bíó, reyndar var það nú Linda sem dró mig,eða þannig, það þurfti nú ekki mikið að draga mig. Frábær mynd sem ég mæli eindregið með.

Þegar ég kom heim úr bíói voru Tóti og Robbi hér að horfa á Superbowl,Ameríski fótboltinn fram á nótt. Svo ég gerði handa þeim heitan Nachos rétt svo þeir myndu nú ekki svelta og horfði svo með þeim til ca 1.30. Skil auðvitað ekkert í þessum leik,þó að ég hafi nú farið á leik 3 svar í Ameríkunni.En allavega var gaman þegar verið var að sýna fræga fólkið sem var að horfa á og fallega leikstjórnandann sem er í öðru liðinnu, enda er hann með einni fallegustu konu heims Giselle Br.....eitthvað fyrirsæta.

Krakkarnir komnir heim á hádegi,alltaf einn dagur í viku núna sem þarf að sækja þau svo snemma. Svo það er nú best að fara að sinna þeim,já og gaman að segja ykkur frá því að Marín mín missti fyrstu tönnina sína í gær,var í bílnum með langömmu og langafa á leiðinni hingað heim þegar tönnslan loksins fór. Tannálfurinn kom auðvitað í nótt og gaf henni 1000 kr. Daman alsæl með það.

 Knús Dísa